ජීවිතය තෘප්තිමත්ව විඳිමින් ඔබේ ආර්ථිකය ශක්තිමත් කරගන්න සරල පියවර කිහිපයක්.

නුතන තරගකාරී ලෝකය තුල ඔබගේ ජීවිතයේ බොහෝ දේ තීරණය වන්නේ ඔබ සතු ආර්ථික ශක්තිය අනුවයි. ගෘහණියක් මෙන්ම රැකියාවක නිරත කාන්තාවක් වුවද; මවුපියන්ගේ හෝ ස්වාමිපුරුෂයා මත යැපෙන්නේ නැත්නම් ඔබ ස්වාධීන , ජීවිතය තනිව ගොඩනගා ගැනීමේ හැකියාව ඇති ශක්තිමත් කාන්තාවක්. එවිට ඔබට පවුල තුලත් සමාජයේත් ආකර්ෂණය දිනා ගැනීම අපහසු කාර්යක් නොවේ. ජිවිතය තෘප්තිමත් කරගනිමින් ආර්ථිකමය අතින් ශක්තිමත් වීමට මෙම සරල ක්‍රම අත්හදා බලන්න ඔබට පුළුවන්.


fb- like-beg

1) දෛනික කාර්යන් පෙලගස්වා ගන්න.

එහි දී හැකි ඉක්මනින් නිම කල හැකිවන අයුරින් කාලය සෑම කාර්යකටම වෙන්කර ගන්න. ( පෞද්ගලික පවිත්‍රතාව සහ ශාරීරික ව්‍යායාම් , ආහාර පිසීම, නිවාස පිරිසිදු කිරීම, ස්වාමිපුරුෂයා සහ දරුවන් වෙනුවෙන් වූ යුතුකම් , රැකියා ස්ථානයේ කටයුතු…) සෑම විටම කාර්යයන් දෙකක් එකම වෙලාවක නිම කර ගැනීමෙන් කාලය ඉතිරි කරගත හැකිය.


2) ඔබේ “සිහින පොත” ලිවීම දැන්ම ආරම්භ කරන්න.

ඔබ වඩාත් ආසා කරන දෙය සටහන් කරගන්න. නිතර සිහින දකිමින් එය ළඟා කරගැනීමට අවශ්‍ය දේ ක්‍රියාත්මක කිරීම කුඩා පියවරකින් ආරම්භ කරන්න.

මෙහිදී ඔබ දැන් සිටින ස්ථානයට වඩා ඉහළ ඊළඟ තනතුරට, අදියරට උසස් වන්නේ කෙසේද යන්න සිහින දකින්න. ඒ සඳහා අනුගමනය කල යුත්තේ මොනවාද යන්න එහි සටහන් කරන්න. ඒ සඳහා අවශ්‍ය විභාග සඳහා යොමුවන්න. දැනුම එකතු කරන්න. (ඔබ විවාහක නම්, ඔබේ ස්වාමිපුරුෂයාට; ඔබ අවිවාහකනම්, දෙමව්පියන්ට ඔබේ සිහිනය හා අරමුණ එක් වරක් පවසන්න. මෙහිදී ඔබ වෙහෙසවන්නේ කුමකටද යන්න ඔවුන්ට අවබෝධයක් ලැබෙන අතර ඔබේ කටයුතුවලට බාධා නොවී කරගෙන යාමට එය පහසුවක් වනු ඇත.


3) ඔබ වඩාත් දක්ෂ කුමකටද යන්න සිතන්න. එම හැකියාව යෙදවීමට ඇති අවස්ථා මොනවාද යන්න සොයන්න.

අන්තර්ජාලය ඔබට බොහෝ අවස්ථා සොයාදෙනු ඇත. එමෙන්ම එම ක්ෂේත්‍රයට අදාල රජයේ ආයතන සහ ක්ෂේත්‍රයේ ප්‍රවීණයන් සමග අදහස් හුවමාරු කරගනිමින් තොරතුරු ලබාගන්න. ඒ අනුව ක්‍රියාත්මක වන්න.


4) ඔබ ගෘහණියක් නම් , නිවසේ ගෙවතු වගාවක් ආරම්භ කරන්න.

මුදල් ඉතිරි කර ගැනීමට ත් සෞඛ්‍ය සම්පන්න ආහාර ලබා ගැනීමට ත් හැකියාව ඔබට හිමි වේ. නිවසේ විවේකීව සිටින නිදහස් කාලය ඔබට මේ සඳහා යොදා ගන්න පුලුවන්.


5) ඔබ උසස් අධ්‍යාපනය හදාරා මේ වනවිට දරුවන්ගේ වගකීම් වෙනුවෙන් ගෙදර නැවතී සිටින කාන්තාවක් නම්, ඔබ ඉගෙනගත් දැනුම බෙදා දෙන්න.

නිවසේම ස්ථානයක හෝ අධ්‍යාපනය ලබාදෙන ආයතනයක් සමග සම්බන්ධ වී ඔබගේ දැනුමට හැකියාවට අවස්ථාව ලබාගෙන වටිනාකමක් ලබා දී අමතර අදායමක් ලබාගන්න.


6) ඔබ රැකියාවක නියුතු කාන්තාවක් නම්, ආයතනය තුල සිටම ලබන වැටුපට වඩා වැඩි වැටුපක් ලබාගැනීමට උත්සාහ කරන්න.

කාර්යාලය තුල ඔබට පැවරී ඇති කාර්යයන් කාර්යක්ෂම ලෙස නිවැරදිව අවසන් කරන්න. ඔබට පැවරී ඇති කාර්යයට අමතර කාර්යක නිරත වීමට හැකිනම් එය ආයතන ප්‍රධානියා සමග සාකච්ඡා කර සාමාන්‍ය වැටුපට වඩා වැඩි වැටුපක් ලබාගැනීමට ඇති හැකියාවන් සොයා බැලීමට බිය නොවන්න.


7) ඔබ සෞන්දර්යට (ගායනය, නර්ථනය, සිතුවම්කරණය, ලේකනකරණයට ..) දක්ෂනම්, ඔබගේ හැකියාවන් පිලිබඳ නිවැරදි අවබෝධයක් ඇත්නම් එම හැකියාවන්ට වටිනාකමක් ලබාදෙන්න.

එම ක්ෂේත්‍රයන් පිලිබඳ අභ්‍යාසයේ යෙදීමට කාලය වෙන් කරගන්න. අද විවිධ මාධ්‍ය,රාජ්‍ය ආයතන මගින් තරග සංවිධානය කරන අතර ඒවාට සහභාගී වීමෙන් ඔබගේ ජිවිතයට නව අත්දැකීම් ලබාගැනීමට ත් සමාජය තුල විශේෂිකරණයක් ලබාගැනීමට ත් ඔබට හැකිවනු ඇත. ඔබගේ වෘත්තීය දියුණුවට එම අත්දැකීම් අනාගතයේදී ආයෝජනයක් වනු ඇත.


8) රැකියාවක නිරත වන අතරතුර තමන්ගේම කුඩා ව්‍යාපාරයක් ආරම්භ කරන්න.

අද වනවිට Online Marketing සඳහා වැඩිදෙනාගේ නැඹුරුවක් ඇති අතර කාලය සහ මුදල් ඉතිරි කරගැනීමට මේ තුලින් හැකිවන නිසා බොහෝදෙනා මේසඳහා කැමැත්තක් දක්වයි. ඔබේ ව්‍යාපාරයට ස්ථානයක් සොයාගැනීම පිලිබඳ පසුතැවෙනවානම් එයට Online Marketing සංකල්පය විසඳුමක් වනු ඇත. සෑමවිටම ඔබ ව්‍යාපාරයක් කිරීමේදී පාරිභෝගිකයාට අවංක වීමට ත් සමාජයට අත්‍යවශ්‍ය යහපත් නිෂ්පාදනයක් හෝ සේවාවක් ලබාදීමට ත් මතක තබාගන්න. එමගින් ඔබේ පරිභෝගිකයන් දිගුකාලීන ගනුදෙනු කරුවන් බවට පත් වේවි.


9) අර්ධ කාලීන රැකියාවක ( Part Time – Job ) නිරත වන්න.

මෙයට ශ්‍රී ලංකාවේ කාන්තාවන් වැඩි නැඹුරුවක්, කැමැත්තක් නොදැක්වුව ද බටහිර රටවල සාමාන්‍ය දෙයකි. ප්‍රධාන රැකියාවට අමතරව සවස් කාලයේ පැය කිහිපයක් වෙනත් ආයතනයක රැකියාවක නිරත වීමට ඔබට පුලුවන්. එය ඔබට අමතර අදායමක් ගෙන ඒවි.


10) ඉගෙන ගැනීමත් අනාගත ආයෝජනයක් කරගන්න.

ඔබට නිදහස් අවස්ථාවක් ලැබෙන සෑම අවස්ථාවකම අලුත් දෙයක් හෝ ඔබ දැනට නියුක්ත ක්ෂේත්‍රයට අදාල දේ ඉගෙන ගන්න. කාන්තා ඔබට ස්වර්ණාභරණ රැසක් පැළඳීමෙන් ලබනවාට වඩා වැඩි ආකර්ෂණයක් ලබාගැනීමට එම දැනුම ඔබට උපකාරී වේවි.මේ සඳහා කැප කරන කාලය ඔබගේ වෘත්තිමය තත්වය ඉහළ නංවා ගැනීමට වැදගත් වනු ඇත. අද උපයන අදායමට වඩා වැඩි අදායමක් ඉපැයීමට එම දැනුම, ඔබව ඉහළට ඔසවා තබාවි. අදම ඔබේ ජිවිතය නව වෙනසක් වෙත රැගෙන යාමට අලුතින් හිතන්න.

 

SHARE

NO COMMENTS

LEAVE A REPLY