අවුරුදු 30න් පස්සෙත් සිරුර නිරෝගීව තබා ගන්නා හැටි – 02 කොටස

වුරුදු 30 පසුව සිරුරේ බර අඩු කර ගන්නවා කියන එක කාන්තාවකට ලොකු අභියෝගයක්. මොකද මේ අවධිය වෙන කොට ඔබේ සිරුර හොඳින් පවත්වා ගැනීම සඳහා ඔබේ සිරුරේ පරිවෘත්තීය ක්‍රියා වැඩි කරගන්නේ කොහොමද කියලා ඔබට ඉගෙන ගන්න වෙනවා. සෞඛ්‍යමත් පරිවෘත්තීය ක්‍රියාවලියක් සිදු වීම අරම්භ වන්නේ නව යොවුන් වියේදී හා වයස අවුරුදු 20 පමණ වන විටයි.

fb- like-beg


07) වැඩ කරන අතරතුරත් ක්‍රියාශීලී වී පරිවෘත්තීය ක්‍රියා වර්ධනය කරගන්න

කාර්යාලයේදී ත් ඔබගේ කැලරි දහනය වන ආකාරයට ඔබගේ කාර්යයන් වල සුළු සුළු වෙනස්කම් සිදු කරගන්න. ඔබ අසල ඇති කුණු බඳුන ඔබ විසින්ම ඉවත් කරන්න. මෙයින් ඔබ ඔබේ අසුනෙන් නැගිට ඇවිදීමට සිදුවේ. එවිට ඔබගේ සිරුර ක්‍රියාශීලී වේ. ඔබ වැඩ කරන පිරිස සමග රැස්වීම් හෝ සාකච්ඡා පවත්වන විට හැමවිටම කාමරයකම මේවා පැවැත්වීමෙන් වැළකී කාර්යාලයේ ඇවිදිමින් ගොඩනැගිලි වලට යාමට පුරුදු වන්න. එමෙන්ම දහවල් ආහාරයෙන් පසු ඔබ සමග වැඩ කරන සුළු වෙලාවක් ඇවිදීමට යාමද කල හැක. මෙම ක්‍රියා තුලින් ඔබගේ සිරුර ක්‍රියාශීලී වී පරිවෘත්තීය ක්‍රියා වැඩි කරයි.


08) ඇදීමේ ව්‍යායාමයකින් ඔබේ දවස ආරම්භ කරන්න.

උදෑසනදී ඔබ තමන් පිලිබඳ වැඩි අවධානයක් ලබා දෙන්න. උදෑසන අවධි වූ පසු විනාඩි 10-15 පමණ ඇදීමේ ව්‍යායාම සහ චලනය වීම් කිහිපයක් සිදු කරන්න. මෙම සුළු ව්‍යායාම් තුලින් ඔබට දවස පුරාම ධනාත්මක මෙන්ම ප්‍රීතිමත් බවක් ඇති කරාවි. ඔබගේ ශරීරය මෙන්ම මනස ද සැහැල්ලු වූ පසු ශරීරය වෙහෙසවමින් දවස පුරාම කරන්නට වන සියලුම කාර්යයන් ඔබට ඉතාම සාර්ථකව කරගත හැකි වේවි.


09) දින චර්යාව සමබර කර ගන්න.

ඔබගේ පරිවෘත්තීය ක්‍රියාවන් සඳහා ව්‍යායාම අත්‍යවශ්‍ය දෙයකි. එහෙත් අනවශ්‍ය ලෙස අමාරු ව්‍යායාම් කිරීමේ අවශ්‍යතාවයක් නැත. එමෙන්ම අනවශ්‍ය ලෙස වැඩිපුර ව්‍යායාම් කිරීමෙන් ඔබගේ පරිවෘත්තීය ක්‍රියාවලියට හානිකර ද විය හැක. එම නිසා ඔබ ව්‍යායාම් කරන විට සරල ව්‍යායාම් කිහිපයකුත් දැඩි ව්‍යායාම අඩුවෙනුත් එකතු කර ගැනීමට වග බලා ගන්න.


10) මාංශ පේශී වර්ධනය කර ගන්න.

වයස අවුරුදු 30 න් පසුව ඔබගේ සිරුරේ බර අඩු කර ගැනීම සඳහා ඔබට ගත හැකි වඩාත් සුදුසුම පියවර වන්නේ මාංශ පේශී වර්ධනය කර ගැනීමට උත්සහ දැරීමයි. මාංශ පේශී වර්ධනය කර ගැනීම තුලින් ඔබට ඔබගේ පරිවෘත්තීය ක්‍රියා වර්ධනය කර ගැනීමට පමණක් නොව ඔබේ සිරුරට සිහින් මෙන්ම ආකර්ශනීය පෙනුමක් ලබා ගැනීමටද හැකියාව ලැබේ. මේ සඳහා ව්‍යායාම කිරීමට සතියට දෙවරක් පමණ වෙන්කර ගැනීම ප්‍රමාණවත්. එයින් ඔබට සුන්දර සුරුරක් ලබා ගැනීමට මෙන්ම ශරීරය ක්‍රියාශීලී කර ශක්තිමත් කර ගැනීටත් හැකි වේ.


11) සරල, කෙටි ව්‍යායාම සැලසුමක් සාදා ගන්න

ජිම් එකට යන්න තරම් වෙලාවක් හොයා ගන්න එක ඔබට අමාරුද? ව්‍යායාම කරන්න වෙනම වෙලාවක් වෙන් කරගන්න එකත් ඔබට අමාරුද? එහෙම නම් ඔබට කරන්න තියෙන්නේ වෙලාවක් ලැබුන ගමන් ව්‍යායාම කරන්න ඔබ සුදානම් වී සිටීමයි. මේ සඳහා ඔබට අන්තර්ජාලයේ සහය ගන්න පුළුවන්. ඒ වගේම ඔබේ දුරකතනයට ව්‍යායාම සැලසුම් ඇප් එකක් බා ගත කර තබා ගන්නත් පුළුවන්. එවිට ඔබට ඉඩක් ලැබුණු විට එහි ආධාරයෙන් ව්‍යායාම කල හැකියි. එමෙන්ම ඔබ කාර්යාලයට යන විට හෝ වෙනත් ගමනක් යන විට ව්‍යායාම කිරීමට අවශ්‍ය ඇඳුම් සහ පාවහන් ආදිය රැගෙන යන්න. එවිට ඔබට ඉඩක් ලැබුණු විට මිතුරකු සමග ඇවිදීමට හෝ දිවීමට යාමටත් ව්‍යායාම කිරීමටත් හැකි වේ. මෙයින් ඔබට ව්‍යායාම කිරීම මනසට වදයක් කර ගන්නේ නැතිව සැහැල්ලුවෙන් කරන්න පුළුවන් වේවි.


12) උදව් ලබාගන්න.

වයස අවුරුදු 30න් පමණ පසු බොහෝ කාන්තාවන් සිතන්නේ තමන්ගේ මුළු කාලයම සිය පවුල සහ රැකියාව වෙනුවෙන් වැය කල යුතුයි කියායි. එහෙත් මෙය වැරදි මතයක්. ඔබේ සෞඛ්‍ය යහපත් කර ගැනීම සඳහා අවශ්‍ය උදව් ලබා දීම ඔබේ පවුලේ අයගෙත් වගකීමකි. ඔබ ව්‍යායාම කරන තුරු හෝ බයිසිකල් පදින තුරු හෝ ටික වෙලාවක් සඳහා දරුවන් බලා ගන්න ලෙස ඔබේ සැමියාගෙන් ඉල්ලන්න. එමෙන්ම නිතරම නිවසට වේලාම නොසිට ඇතැම් දිනක සැවොම එකතු වී ඇවිදීමට හෝ බයිසිකල් පැදීමට යන ලෙස යෝජනා කරන්න. මෙයින් ඔබේ විශාල වැඩකටයුතුවලින් මද සහනයක් ලබාගැනීමටත් ඔබට හැකි වේ. එමෙන්ම මනසට ද සැහැල්ලුවක් ඇති වේ.


මේ දේවල් අනුගමනය කලොත් කෙතරම් වයසට ගියත් ඔබේ පරිවෘත්තීය ක්‍රියා වර්ධනය කර ගනිමින් ඔබට සඛ්යමත් ජීවිතයක් ඉක්මනින්ම ඔබට ලබා ගත හැකි වේවි.


මෙම ලිපියේ පළමු කොටස සදහා පිවිසෙන්න :-

අවුරුදු 30න් පස්සෙත් සිරුර නිරෝගීව තබා ගන්නා හැටි – 01 කොටස

SHARE

NO COMMENTS