ඇඟේ හැඩය හදාගන්න පහසු යෝග ව්‍යායාම කීපයක්.

ස්සන ශරීරයක් ලබන්න නම් ගොඩක් අමාරු නැහැ. බොහොම පහසු ජීවන පුරුදු කීපයක් ඇති කර ගැනීම ප්‍රමාණවත්. පුරුද්දක් ලෙස ව්‍යායාම වල නිරත වීම කියන්නේ ඉන් එකක්. සතියට හතර පස් වතාවක් ව්‍යායාම වල නිරත වෙන එක මගින් ඔබට ලස්සන මුහුණක් සහ සිරුරක් උරුම වෙනවා පමණක් නෙවෙයි වැඩ කරන්නට ඔබේ කාර්යක්ෂමතාවය ඉහලට යනවා. ඒ වගේම ඔබ නිරෝගී වෙනවා. යෝග වල අභාෂය ගත්ත සරල ඉරියවු කීපයට පුළුවන් ඔබේ ශරීරය නියමිත හැඩයට පත් කරන්නට. ඒ ඉරියවු මොනවද කියල අපි දැන් බලමු.

fb- like-beg


1) සටන්කාරිය ගේ ඉරියවුව


වීරභද්‍රාසනය හෙවත් සටන් කරුවාගේ ආසනය යනුවෙන් හැඳින්වෙන මෙය ඔබේ ශරීරයේ නම්‍යතාවය, ක්‍රියා ශීලීත්වය වැඩි කරනවා. ශරීරයේ ඉහල කොටස පුළුල් කරලා වැඩි ඔක්සිජන් ප්‍රමාණයක් ශරීරයට සපයනවා.

  1. ඔබේ දෙපය එකිනෙකට සමානුපාතිකව ඈත් කරන්න.
  2. ඔබේ වම් පය අංශක 90 ක් වමට සහ දකුණු පය ඇතුලට නවන්න. හුස්ම සෙමෙන් පිට කරමින් වම් දණහිස නවන්න.
  3. ඔබේ දකුණු කකුල කෙලින් තිබිය යුතුයි. අත්දෙක ඔසවා උරහිසට සමානුපාතිකව තබමින් හිස වම් පැත්තට හරවන්න.
  4. ඉන් පසු මේ ආකාරයටම දකුණු පසටත් කරන්න.
  5. මෙය දිනකට 8 වතාවක් කරන්න.

2) ත්‍රිකෝණාකාර ඉරියවුව


ත්‍රිකෝනාසන ලෙස හැඳින්වෙන මෙය ඔබේ පෙනහැල්ල ශක්තිමත් කරනවා වගේම ඔබේ රුධිර සංසරණය වැඩි කරනවා.

  1. ඔබේ දෙපා ඈත් කර සිට ගන්න. අංශක 90 ක් වමට හැරෙන්න.
  2. ඔබේ වම් අතින් වම් කකුලේ වළලුකර අල්ලගන්න උත්සහ කරන්න.(කාලය සමග අත බිමට ගැනීමට ඔබට හැකි වේවි.) ඒ සමගම දකුණු අත උඩට උස්සන්න. අත් දෙක සරල රේඛාවක් වගේ හිටින්න ඕනේ. ඔබේ දණහිස සහ පිට කොන්ද කෙලින් තබා ගන්න.
  3. මුහුණ උඩට ඔසවා ඔබේ ඇඟිලි දෙස බලන්න. අනික් පැත්තටත් ව්‍යායාමය නැවත කරන්න.

3) නයාගේ ඉරියවුව

බුජන්ගාසනය හෙවත් නාගයාගේ ආසනය පෙනහැල්ලේ ධාරිතාව වැඩි කරනවා සහ උරස් කුහරයේ මාංශ පේශී ශක්තිමත් කරනවා. උදරයේ මාංශ පේශී තද කරනවා. ඒ වගේමයි ඔබේ ඉරියවු වර්ධනය කරනවා.

  1. ඔබේ උදරය බිමට හිටින විදිහට බිම වැතිරිලා හුස්ම තදින් ඇතුලට ගන්න.
  2. ඔබේ අත්දෙක හෙමින් උස්සමින් හිස සහ උරහිස උස්සන්න. අත් සහ පය නිසි ලෙස පින්තූරයේ ආකාරයට තිබිය යුතුයි.
  3. සෙමෙන් හුස්ම පිට කරමින් ආපසු හිස සහ දෑත පහලට ගන්න.

4) දුන්න ඉරියවුව

මේ ආසනය මගින් කොන්දේ අබාධ ඇත්නම් සුව කරනවා විතරක් නෙවෙයි පියයුරු වල හැඩය නිසි ලෙසට ගෙනෙනවා.

  1. මුනින් අතට වැතිරෙන්න, හුස්ම පහලට හෙලන්න, දනිස් නවා පිටුපසින් ඔබේ හිස දෙසට ගෙනෙන්න. ඔබේ වළලුකර ඔබේ අත් දෙකින් අල්ලාගෙන ඉන්න උත්සහ කරන්න.
  2. දැන් සෙමෙන් නැවත වරක් හුස්ම පිට කරන්න. ඔබට පුළුවන් තරම් අත් සහ පාද ඉහලට ඔසවන්න උත්සහ කරන්න.
  3. ඔබේ ඉන සහ පපුව පොලවේ නොගෑවී තිබිය යුතුයි. ඔබ සමබර විය යුත්තේ බඩෙන්.
  4. මේ ඉරියවුව තත්පර 30 ක් තිබෙන්න හරින්න.

5) රෝදයක් වැනි ඉරියවුව


චක්‍රාසනය ඔබේ කොඳු ඇට පෙළ ,බෙල්ල සහ ශරීරයේ උඩ කොටස හොඳින් ඇදීමට ලක් කරයි.

  1. මුහුණ උඩට හිටින සේ නිදාගන්න. දණහිස නවා තට්ටම් වල ගෑවෙන තරමට සමීප කරන්න.
  2. ඇඟිලි ඔබේ පැත්තට එන විදිහට හරවලා අත් දෙක රූපයේ විදිහට පිටුපසින් තබන්න.
  3. හුස්ම පිට කරමින් කඳ ඉහලට ඔසවන්න.
  4. ඔබේ අත් පා තද කර ගනිමින් තත්පර 30 ක් මේ ඉරියවුවේ රැදී සිටින්න.

6) ශීර්ෂ ඉරියවුව

සළඹ ශීර්ශාසනය අත්දැකීම් සහිත යෝගීන්ට පමණක් නිර්දේශ කරන තරමක් දුෂ්කර ආසනයක්.

  1. ඔබේ දණහිසෙන් හිටගෙන අත්දෙක පොලවේ තබන්න.
  2. අත්දෙක රූපයේ ආකාරයට නවන්න.
  3. දනිස් නවා හුස්ම පහල දමමින් කකුල් පොළවෙන් ඉහලට ගන්න.
  4. ඔබේ දෙපා ඉහලට දිගු කරන්න. මේ ආකාරයෙන් තත්පර 30 ක් ඉන්න උත්සහ කරන්න.
  5. නැවත සෙමෙන් කකුල් පහලට ගෙන මුල් ඉරියවුවට එන්න.

7) ඔටුවා වැනි ඉරියවුව

උස්ට්‍රාසනය ඔබේ ශරීරය ලස්සන කරන තවත් එක ක්‍රමයක්.

  1. දනිස්සෙන් හිටගෙන කකුල්දෙක එක ලඟට කර ගන්න.
  2. සෙමෙන් පිටුපසට නැවෙමින් අත් දෙක විලුඹේ තබන්න. ඔබේ හිස පොලව දෙසට නැවිය යුතුයි.
  3. තත්පර 30 කිං නැවත ආරම්භක ඉරියවුවට එන්න.
SHARE

NO COMMENTS